Narruvolch

Datum:
2023

Auszug aus dem Schnitzel Programm

Ohni Natel farsch mit dr SBB –  bald niena meh
D SBB will kei Billietautomate meh
Öi ischers Billet will schi nummu nu online gseh
Und gebis emal än Syschtemchlapf und alli Natel we tot
De fahrti wer alli schwarz, und chemi nit ämal rot

/

Würdi nisch der Strom üsgaa – weri wer wirkli ganz dumm dra
Äs tiegi d Notstromlag ischers Läbu starch verpfuschu
Ab sofort selle wer besser  bloss nur z zweit ga tuschu
Der neui Bundesrat find «meh Strom weri z gröschti»
Das isch scho klar, er brücht öi Strom fer schini Röschti

/

Vil Gäld im Sack ha meint der Scheich – sigi de im Fall kei Seich
Kännet ier das Gschichtji scho
Wies in Katar eso isch cho
Heint fil fer d WM investiert
Öi wenn ihri Mannschaft immer verliert

Dr Fifa schöni Öigä machu
Der Gäldsack wit üf und immer schön lachu
Und mit e Bitz finanziellum Druck
Glingt das Katar Meischterstuck

Uf der Büschtell Tag und Nacht
Wird Wanderarbeit billig gmacht
Mänschurächti es isch en Hohn
Schi zahlunt lieber Schmirgäld als grächtä Lohn

Ds Europa isch das chli Katar
Jetz ischä finanzielli Superstar
Und öi z Brüssel bi der EU heint e paar kapiert
Dass z Fitlu und z Gäld ischi Wält regiert