Narruvolch

Datum:
2024

Auszug aus dem Schnitzel Programm

D Schäfer chennunt nur schwer verstah –
wieso mu nit meh uf Wolfsjagd cha gaa
Soll mu du Wolf la läbu oder nu erschiessu nu hitu
Uber di Frag lat schich nu jahrelang la strittu
Derwil der Wolf im Wald, ich gseh nu lachu
Der nutzt di Zit zum ifrig neui Wolfjini z machu

/

Schich wägum Klima ufu Bodu chläbu –
finnunt Autofahrer total dernäbu
Klimachläber heint sus allgemein scho schwer
Und jetz plagt der Fachchräftemangel schi züesetzlich öi nu sehr
Summi Afragä miessti schi leider drum absägu äbu
Es längä nä wirkli nit schich öi nu ant Fliger z chläbu

/

Jetz miesse wer zämustaa und Gäld üftriibu –
dass der Christian cha ischä König bliibu
Bim FC Sittu gits einä wa immer genau weiss wies geit
Doch jetz macht er Druck, verlangt Unnerstitzig wit und breit
Wie immer verspricht er, schis  Projekt werde de scho gratu
Höiptsach er cha witer ungschiniert , Trenera verbraatu